Замын даргын 2013 оны хоёрдугаар сарын 27-ны өдрийн А-43 тоот тушаалаар Монгол-Оросын хувь нийлүүлсэн”УБТЗ” нийгэмлэгийн лого тэмдгийг зохиох, түүнийг төмөр замын хөдлөх бүрэлдэхүүн./зүтгүүр, зорчигчийн болон  ачааны вагон/-д  байрлуулах зохиомжийн уралдааныг зарлаж байна.

    
Нэг. Уралдааны зорилго  
    Төмөр замын хэмжээнд 2013 оныг “Тээврийн чанарын үзүүлэлтийг сайжруулах жил “болгон дэвшүүлж байгаатай холбогдуулан тээврийн үйлчилгээг дээшлүүлэх, Улаанбаатар төмөр замын  нэрийг олон нийтэд сурталчлан таниулах, төмөр замчин хүний бахархал болсон  өөрийн нэрийн брендийг бий болгоход төмөр замын логог нэрийн хуудас болгоход оршино.
     
Хоёр. Уралдааны хамрах хүрээ, агуулга
    Уралдаанд Монгол Улсын иргэн, хувь хүн, чөлөөт уран бүтээлчид, УБТЗ-ын бүх алба, хэлтэс, аж ахуй нэгж оролцоно. Уралдаанд оролцогчид нь Монгол-Оросын хувь нийлүүлсэн “Улаанбаатар төмөр зам нийгэмлэгийн Лого- барааны тэмдэгтийг зохиох, түүнийг Төмөр замын хөдлөх бүрэлдэхүүн/ зүтгүүр, зорчигчийн болон ачааны вагон/-д ямар арга замаар байрлуулах, өнгө үзэмж нь ямар байх зэргийг нарийн тусгасан байна.
    
Гурав. Уралдааны  хугацаа
    Уралдааныг 2013 оны гуравдугаар сарын 01-нээс дөрөвдүгээр сарын 01 хүртэл нэг үе шаттайгаар явуулна.
    
Дөрөв. Уралдааныг дүгнэхэд харгалзан үзэх болзол
    1.Лого ба барааны тэмдэгтийн хэлбэр, агуулга
    2.Төмөр замын тээврийн үйлчилгээний төрөл зүйл, нөхцөл, уламжлалыг, харгалзах
    3.Олон нийтэд ойлгомжтой, утга агуулга нь танигдахуйц байх
    4. Лого бренд үгийн товчлол, зураг, өнгө зэрэг ямарч хэлбэрээр байх
    /Википедияд байх логотипын шаардлага хангасан байх/
    5.Төмөр замчин гэсэн бахархал төрүүлэхүйц байх.
    
Тав. Уралдааныг дүгнэх
Уралдаанд ирүүлж байгаа материалыг заасан хугацаанд Техникийн бодлого зураг төслийн төвд хэвлэмэл болон электрон хэлбэрээр /e-mail:turtuvshin 2000@ yahoo.com/ ирүүлнэ.
    Ирүүлсэн материалыг комисс дүгнэж 2013 оны 04 дүгээр сарын 05-ны өдөр Замын даргад танилцуулна.
    
Зургаа. Шагнал урамшуулал
    Уралдааныг нэг үе шаттайгаар явуулж, дүгнэн хамгийн оновчтой, сайн шийдэл гаргасан нэг бүтээлийг 4000 000 / дөрвөн сая/ төгрөгөөр шагнаж урамшуулах ба шалгарсан бүтээл нь Улаанбаатар төмөр замын өмч байна.