Нийгмийн халамжийн тухай шинэ хуулиар ихэр хүүхдэд нэг удаа мөнгөн тэтгэмж олгохоор болсон. Энэ мөнгийг хэзээ олгохыг Нийгмийн халамж үйлчилгээний ерөнхий газрын Халамжийн газрын даргаас тодруулахад ”Орон нутагт эрх мэдлийг нь шилжүүлсэн. Ихэр хүүхдийн мөнгийг хэзээ өгөх талаар харьяа аймаг, дүүргийн Засаг дарга нар мэднэ. Манайхаас тоо, судалгааг нь л гаргаж өгсөн” гэлээ. Тус газрын судалгаагаар ихэр хүүхдийн тэтгэмж авах хоёр ихэр  ойролцоогоор 5100 гаруй, гурван ихэр 75 хүүхэд бий гэнэ. Шинэ хуулиар хоёр ихэр нэг, гурван ихэр нь хоёр сая төгрөг авах юм. Гэхдээ энэ мөнгийг тэгээс дөрвөн насны ихэр хүүхэд авна.