АНУ-ын Миссисипи мужид Хүний дархлал хомсдлын вирусын /ХДХВ-ийн/ халдвартай төрсөн, 2,5 настай охиныг бүрэн эдгээсэн тохиолдол гарчээ. “Уолл-стрит жорнэл” сэтгүүлийн мэдээлснээр охиныг төрсөн цагаас нь эхлэн эрчимтэй эмчилсний эцэст бүрэн эдгэрсэн юм байна. Энд хоёроос гурван төрлийн өндөр идэвхтэй эм бэлдмэл ашигласан гэж тэмдэглэжээ. Ингэснээр эхээсээ ийм халдвартай төрж байгаа хэдэн зуун мянган хүүхдийг эмчилж эдгээх боломж бий болж байгаа юм. Цаашид судалгааг үргэлжлүүлж ийм эмчилгээний тогтолцоог нарийвчлан тогтоох болно” гэж сэтгүүл дурдсан байна. Одоо охины биед ХДХВ-ын ямар ч үлдэгдэл байхгүй гэдгийг эмч нар хэлжээ. “Энэ бол гайхамшиг. Эхлээд нэг курс эрчимт эмчилгээ хийсэн, тэгээд зогсоосон. Ингээд л бүрэн эдгэрсэн. Тэгэхээр эмчилгээг зогсоох хэдэн долоо хоногийн дотор л үр дүнгээ өгч байна” гэж судалгааны мэргэжилтэн хэлсэн байна. Гэхдээ энэ бол цорын ганц тохиолдол болохоор ХДХВ-ийн халдварыг бүрэн эмчилж болно гэж итгэх арай л болоогүй байна гэж тэр мэргэжилтэн хэлжээ.
