Улсын Дээд шүүх АНУ-ын иргэн Жон Мартинийг хөнөөсөн Ч.Баттуулд холбогдох хэргийг Сонгинохайрхан дүүргийн шүүхээр шийдвэрлүүлэхээр харьяалал тогтоожээ. Тэрээр өнгөрсөн оны нэгдүгээр сард Жон Мартинийг хөнөөж, цогцсыг нь нуусныг хууль хяналтынхан илрүүлсэн юм.
Тайваний технологийн их сургуульд сурч байсан Ч.Баттуул багш Жон Мартинд “Шүрэн гүүр” хэмээн зочид буудал барих төлөвлөгөө үзүүлж, түүнийг Монголд ирж хамтран ажиллах санал тавьсан аж. Багшдаа их хэмжээний цалин амласан тэрээр эхлээд 10 мянган ам.долларын хөрөнгө оруулалт хийх санал тавьжээ. Талийгаач ээжээсээ ийм хэмжээний мөнгө авч, Монголд ирснийхээ маргааш нь амиа алдсан гэдгийг цагдаагийнхан тухайн үед хэлж байлаа.