Нийслэлийн нийтийн тээврийн газраас ирэх сарын 1-нээс өмнө ахмад настан, хөгжлийн бэрхшээлтэй иргэдийг нийтийн тээврээр үнэгүй зорчдог үнэмлэхээ шинэчлэхийг анхаарууллаа. Учир нь, хуучин үнэмлэхийг нь шинэчлэх ажил өнгөрсөн оноос эхэлж, шинийг нь энэ сарын 4-нөөс тараасан юм. Тиймээс нийтийн тээврээр үнэгүй зорчих үнэмлэхээ хараахан авч амжаагүй ахмад настан, хөгжлийн бэрхшээлтэй иргэд байвал харьяа хорооныхоо нийгмийн ажилтандаа хандахыг зөвлөж байна. Гэхдээ энэ удаагийн үнэмлэх нь ахмад настан болон хөгжлийн бэрхшээлтэй эсэхээс нь хамааран өөр, өөр өнгөтэй байгаа гэнэ.