"Өнөөдөр" сониноос 12 дахь жилдээ зохион байгуулж буй оны алдартнууд тодорлоо. "Тэргүүн алдартан" түүнийг дагасан "Есөн алдартан"-уудад өргөмжлөл гардуулах ёслолын үйл ажиллагаа өнөөдөр "Улаанбаатар" зочид буудалд болсон юм.
Уламжлал ёсоор тухайн жилд олсон амжилт, бүтээл, онцлог үйл хэрэг, алдар гавьяагаараа монгол түмнээ магнайлсан эрхмүүдийг олон нийтийн санал асуулгаар тодруулдаг. Энэ жилийн тэргүүн алдартнаар Хөдөлмөрийн баатар, гавьяат тамирчин, Олимпийн алт, мөнгөн медальт Н.Түвшинбаяр тодорсон бол "Есөн алдартан"-аар Монгол Улсын Ерөнхийлөгч Ц.Элбэгдорж, УГЖ Э.Амартүвшин, Нийслэлийн Засаг дарга Э.Бат-Үүл, Ерөнхий сайд Н.Алтанхуяг, Гавьяат тамирчин С.Батцэцэг, Харүмафүжи Д.Бямбадорж, Олимпийн мөнгөн медальт Н.Төгсцогт, ШӨХТГ-ын дарга О.Магнай, УИХ-ын гашүүн С.Ганбаатар нар тодорлоо.
