Сонгинохайрхан дүүр­гийн долдугаар хорооны нутаг дэвсгэрт Баянхошууны тойрог орчимд өвс ачиж явсан “майти” маркийн машин шатаж байна гэсэн мэдээлэл манай редакцид ирсэн юм. Тус газарт “Шунхлай”, “Сод монгол” гээд гурван шатахуун түгээх станц байрладаг. Энэ талаар Нийслэлийн онцгой байдлын газрын хэвлэл мэдээллийн ажилтнаас тодруулахад “Манайд энэ мэдээлэл 18 цаг 12 минутанд ирсэн. Дуудлагын дагуу аврах, гал унтраах 29 дүгээр анги шуурхай ажиллаж, галыг унраалаа. Гал гарсан шалтгааныг тогтоохоор ажиллаж байна” гэв. Урьдчилсан байдлаар 170 гаруй боодол өвс галд шатжээ. Ер нь, Баянхошууны тойрог орчим нь хөл хөдөлгөөн ихтэй, үйлчилгээний цэгүүд олноор байршсан газар юм.