Саудын Аравийн шашны удирдагч Шейх Мухаммед аль Хабадан улсынхаа эмэгтэйчүүдийг никаб өмсөхийг уриалсан байна. Никаб гэдэг нь лалын шашинт эмэгтэйчүүдийн уламжлалт хувцаснаас хамгийн битүү нь буюу ердөө хоёр нүдийг юм үзэх төдийд халхалсан гивлүүртэй нөмрөг юм. Ийм гивлүүрийг ихэвчлэн Саудын Арави, Булангийн оронд өмсдөг байна. Гэхдээ сүүлийн жилүүдэд ихэнх эмэгтэй нүдний орчмыг нэлээд ил гаргасан, эсвэл зөвхөн үс хэсгийг халхалсан гивлүүр, нөмрөг зүүх болсон.  Энэ нь бүсгүйчүүд нүүр нүдээ будаж, бусад эрчүүдийн анхаарлыг татахаас эхлээд уламжлал заншлынх нь эсрэг байгаа учир никаб өмсөх нь зүйтэй гэж шашны удирдагч сануулжээ.