АНУ-ын Миссури мужийн Сент-Луис хотод 40 орчим настай нэгэн этгээд Стивенсийн урлаг, бизнесийн дээд сургуулийн хашаанд дайран орж хэд хэдэн удаа гал нээсэн хэрэг гарчээ. Хэрэгтэн дараа нь өөрийнхөө амийг хөнөөх гэж цээж рүүгээ буудсан байна. Сургуулийн нэгэн ажилтан суманд өртөж шархаджээ.  Шархадсан ажилтан, хэрэгтнийг орон нутгийн нэгэн эмнэлэгт хүргэсэн ч нэрийг нь зарлаагүй байна.
АНУ-д сургуулийн байгууллагад дайран орж гал нээх явдал удаа дараа гарч байгаа юм. Хамгийн сүүлд өнгөрсөн арванхоёрдугаар сард Коннектикут мужийн Ньютаун хотын бага сургуульд 20 настай Ланза гэгч гал нээж 20 хүүхэд, зургаан том хүний аминд хүрсэн хэрэг гарсан юм.