Өнгөрсөн 2011 онд Роллс-Ройст хорхойсон, энэ машины эрэлтээр дэлхийд тэргүүлж байсан Хятад 2012 онд АНУ-ын араас хоёрт оржээ. Хятадын шинэ баячууд тансаг машинд нүд унаган авах болсон сүүлийн жилүүдэд Роллс-Ройс мэтийн төмөр хүлгүүд эх газарт эрэлт ихтэй байгаа юм.  
Роллс-Ройс өнгөрсөн онд нийтдээ 3575 машин борлуулснаас АНУ-д хамгийн ихээр борлуулагдаж, Хятад хоёрт орсон байна. Хэдийгээр Хятадын баячууд өмнөх онд нь авснаасаа хоёр дахин багыг худалдан авсан ч дэлхий даяар худалдаалагдаж буй дөрвөн Роллс-Ройс тутмын нэг нь эх газарт зарагдаж байгаа гэсэн тоо бий.  
Хятад худалдан авагчдын 90 хувь нь урт загварыг сонирхож байгаа 30-40 насны бизнесмэнүүд гэнэ. Тэд урт машин сонирхож байгаа нь хотоос хотын хооронд явахдаа түнштэйгээ ажил хэрэг ярилцах гэснийх гэнэ. Одоо Хятадад Роллс-Ройсын гэрээлэгч 15 төв үйл ажиллагаа явуулж байна.