Гэмт хэрэгтнүүд Берлиний нэгэн банкийг дээрэмдэхийн тулд газар доогуур 30 метр хонгил ухжээ. Тэд банкны ойролцоо байх нэгэн гаражаас эхлэн хонгилоо ухаж эхэлсэн байна. Дээрэмчид ул мөрөө баллахын тулд гаражид түймэр тавьж, гал сөнөөгчид очоод энэ хэргийн мэдсэн байна. Дээрэмчид банкнаас хэдий хэр мөнгө хулгайлсныг цагдаагийнхан мэдээлээгүй, гэмт хэрэгтнүүдийг эрэн сурвалжилж байгаа юм байна. Тэдний ухсан хонилоос үзэхэд дээрэмчид энэ хэрэгт хэдэн сарын турш бэлтгэсэн бололтой гэж цагдаагийн төлөөлөгч хэлсэн байна.