Францын нисэх онгоцууд агаараас цохилт өгсөний дараа Малийн исламын зэвсэгт дайчид тус улсын умард нутгийн гол төв Тимбуктуг орхин гарлаа гэж өнгөрсөн шөнө Франс-Пресс агентлаг мэдээллээ. Францын Батлан хамгаалахын сайд Жан-Иь Ле Дриан харин ч эсрэгээр зэвсэгт дайчид Диабиль хотыг эзэлж хяналтдаа авлаа гэж байсан юм.
Исламын “Анасар ад-Дин” хөдөлгөөний төлөөлөгч Тимбукту хотыг орхин гарсан нь тактикийн алхам гээд энэ бол манай төлөвлөгөөний нэг хэсэг гэсэн байна.
Сүүлийн хэдэн өдрийн туршид Малийн умард нутаг дахь исламын зэвсэгт бүлэглэлийнхэн улсынхаа төв хэсэг, засгийн газрын байрлал руу дайрч байгаа юм. Энэ сарын 10-ны өдрөөс засгийн газрын цэргүүдэд францын нисэх хүчин тусламж үзүүлж байгаа юм. 11-нд Малийн эрх баригчид улс орондоо онц байдал зарлаж бүх нийтийн дайчилгаа зохион байгуулж эхлээд байна.