Шинэ засаг бүрдээд байгаа Гүрж улс хоригдлуудад өршөөл үзүүлэн суллалаа. Парламентын арванхоёрдугаар сард баталсан хуульд энэ өнгөрсөн бямба гарагт хууль тогтоох дээд байгууллагын спикер Давид Усупашвили гарын үсэг зурж баталгаажуулснаар улс төрийн 190 хоригдол эрх чөлөөнд гарч байгаа юм. Суллагдагсдын дунд  “оросын тагнуулын сүлжээ” хэргээр ял эдэлж байсан Рубен Шикоян, Гела Какабазе, Тариель Абашизе, Вячеслав Плужников нар байна. Мөн өмнөх засаг эрүүгийн ертөнцтэй холбоотой хэмээн суулгасан гүржийн хөл бөмбөгийн шигшээ багийн тоглогч Гиоргий Демартазе бас байгаа юм. Нийтдээ 17 мянган хоригдолд өршөөл үзүүлсний гурван мянга нь ойрын хоёр сард багтан суллагдах юм.