Өнгөрсөн аравдугаар сард амаржсанаас хойш гурван сар нам гүм байсан Адель тайзнаа эргэн ирж байна. Маргааш болох Алтан бөмбөрцөг наадмын шагнал гардуулах ёслол дээр дуулахаар Британиас Лос Анжелост ирээд байгаа тэрээр тоглолтын бэлтгэл ажлын хажуугаар дэлгүүр хэсч, бяцхан хүүгээ баярлуулах зүйлс худалдан авч амжжээ. Тэрээр “Robertson Boulevard” хэмээх хүүхдийн дэлгүүрээс гурван сартай хүүдээ тоглоом, нялхасын хэрэглэл зэрэг хэрэгтэй зүйлийг нь авчээ.
Адель Алтан бөмбөрцгийн тайзнаа гарах болсон нь ээж болсноос хойш олны өмнө огт гарч ирээгүй түүний шүтэн бишрэгчдийн хувьд хүсэн хүлээсэн мөч юм.