АНУ-ын Калифорни мужийн Тафт хотын дунд сургуульд 16 настай сурагч, завсарлагаанаар  дробинк буугаар гал нээж ангийнхаа нэг хүүхэд, өөр нэг сурагчийг шархдуулсан байна. Багш нь харин сурагчдаа ангиас гаргаад нэг сурагчтайгаа үлдэн буудагчийг тайвширч, зэвсгээ хаяхыг анхааруулжээ. Гэмт хэрэгтнийг цагдаагийнхан саатуулжээ. Сурагч юунаас болоод хүүхдүүд рүү буудсаныг тогтоогоогүй байна. Шархадсан хоёр сурагчийг эмнэлэгт хүргэжээ.
Өнгөрсөн арванхоёрдугаар сард Коннектикут мужийн Ньютауны бага сургуульд 20 настай Ланза гэгч гал нээж 20 хүүхэд, зургаан том хүний аминд хүрсэн аймшигт хэрэг гарсан юм. Үүнээс болж зэвсгийн худалдаанд хяналт тавих  талаар Засгийн газрын комисс ажиллаж тайлангаа ирэх мягмар гарагт Ерөнхийлөгч Барак Обамад танилцуулах гэж байгаа юм.