УИХ-ын гишүүдийн өнөөдрийн ирцийг харвал тэмцэгч гишүүн З.Баянсэлэнгэ энэ сарын 2-ноос эхлэн өвчтэй гэсэн шалтгаанаар чөлөө авчээ. Гэхдээ хэдий хүртэл хугацаанд чөлөө авсан нь тодорхой бичээгүй байх аж. Зарим эх сурвалжийн өгүүлснээр эрхэм гишүүн гоо сайхан, гадаад үзэмждээ анхаарч нүдэндээ давхраа хийлгэсэн гэнэ. Энэ нь ч үнэний ортой байж мэдэх. Учир нь, өнгөрсөн мягмар гаригт УИХ-ын хүний эрхийн дэд хороо зарим хорих ангиудаар явахад З.Баянсэлэнгэ гишүүн эмэгтэйчүүдийн хорих болон намынхаа даргын хоригдож байгаа 401 дүгээр ангиар ороод л сэм алга болсон. Мөн энэ үеэр хар нүдний шил зүүсэн байв. Энэ нь давхараа оёулсан нүдээ олны нүднээс нуух оролдлого байсан нь лавтай. Дашрамд дурьдахад, парламентад гишүүн болсноосоо хойш давхраа оёулж байсан хүн цөөнгүй байдаг юм. Тухайлбал, УИХ-ын гишүүн асан М.Энхсайхан, Л.Гүндалай нар давхраа хийлгэж байсан удаатай.