АНУ-ын Нью-Йорк хотноо Нью-Жерсигээс санхүүгийн дүүрэг Уолл-стрит рүү  Ист-Ривер голоор зорчиж явсан зорчигч тээврийн Seastreak Wall Street  хурдан хөлөг зогсоолын давцан мөргөснөөс осолдож 74 хүн бэртэж гэмтсэнээс ес нь хүнд байна гэж мэдээллээ. Хоёр хүн бүр хүнд, сэхээнд байгаа юм байна. Хөлөг дээр 326 зорчигч явсан байна. Зорчигчдын ихэнх нь өглөө ажилдаа ирж байсан санхүүгийн байгууллагын ажилтнууд байжээ.

Хурдтай явж байгаад мөргөсний улмаас гэнэт зогссон болохор олон хүн юм мөргөж, шидэгдэн бэртсэн байна.
Хөлгийг эзэмшигч Seastreak LLC  компани бэртэж гэмтсэн хүмүүст тусламж үзүүлэх талаар бүхий л арга хэмжээ авч, мөрдөн байцаах ажилд туслалцаа үзүүлж байгаа юм байна.