Хэдхэн хоногийн өмнө ОХУ-ын иргэний паспорт гардаж аваад байгаа Францын нэрт жүжигчин Жерар Депардьег Тюменийн драмын театр 16 мянган рублийн цалин, бас нэмэлт урамшуулалтайгаар ирж ажиллахыг хүссэн байна. Театрын захирал Сергей Осинцев “Вконтакте” сайт дахь өөрийн хуудсандаа “Оросын иргэнээ дэмжихээр шийдсэн” гээд энэ гуравдугаар сараас ирж ажиллахыг урьжээ. Шинэ жилийн амралт дуусангуут албан ёсны урилга илгээнэ гэдгээ ч бас дурдаж. Захирал нэрт жүжигчинд 16 мянган рублийн цалин амлаад Уралын буюу цаг агаарын хүнд нөхцөлд ажилласны нэмэгдэл өгч, орон сууцны төлбөрийг нь 15 хувь хөнгөлөхөө дурдсан байна.
Үүний өмнө Жерар Депардьег Оросын иргэний паспорт авсных нь дараахан Мордовын бүгд найрамдах улс Соёлын сайдаараа ажиллахыг бас гуйж байсан юм.