Шведийн мэдээний TV4 сувгаар гэнэт порно киноны хэсэг гарчихжээ. Нэгдүгээр сарын 7-ны өглөөний 10 цагийн үед нэвтрүүлэг явж байхад гэнэт порно киноны хэсгээс гарч эхэлсэн байна. Телевизийн хөтлөгч Москвад ажиллаж байгаа сурвалжлагчтайгаа харьцаад мэдээ явуулж байтал түүний ард байрласан дэлгэцээр порно киноны хэсэг гарч эхэлжээ. Уг нь хөтлөгч эмэгтэй Москва дахь сурвалжлагчтайгаа Сирийн асуудлаар ярилцаж байж. Тус телевизийн редакцийн захирал Андреас Хаглинд үнэхээр эфирт порно киноны хэсэг гарсныг батлаад манай ажилтнуудын нэг нь ийм кино үзэж байгаад энэ нь санамсаргүй нэвтрүүлгийн танхим дахь дэлгэцэнд орчихсон байх, бид дахин ийм алдаа гаргахгүйн төлөө бүхий л арга хэмжээ авна гэжээ.
2012 онд Шотландын STV телевизэд бас зочны ярилцлага гарч байхад арын дэлгэцэнд нь эротик дүрс гарч байсан юм. 2006 онд ч бас Шведийн SVT телевизэд бас ийм тохиолдол гарч байсан гэнэ.