Хүний эрхийн талаарх Европын шүүх хоригдлуудын эрхийг зөрчиж байгаа хэргээр Италийн Засгийн газрыг 100 мянган еврогоор торгохоор шийдвэрлэсэн байна. Шүүх Италийн хэд хэдэн шоронд хүний эрхийг зөрчиж, наад захын шаардлага хангахгүй байгаа тухай дурдсан байна. Европын конвенцоор бол хоригдлуудтай зүй бусаар харьцахыг хориглодог юм. Италийн хоёр шоронд хоригдож байсан долоон хоригдол Страсбургийн шүүхэд 2009 онд хандсан юм байна. Тэд есөн хавтгай дөрвөлжин метр талбайтай өрөөнд гурвуулаа хоригдож байгаагаа дурдаад нэг хүн ердөө л гурван хавтгай дөрвөлжин метр талбай ногдож байна гэж гомдолложээ. Тэд бас шоронд цахилгаан хэрэгсэл, халуун ус дутагдалтай гэсэн юм байна.