Ердөө схоёр хоногийн өмнө ОХУ-ын иргэний паспорт гардан аваад байгаа нэрт жүжигчин Жерар Депардьегийн асуудал Францдаа бол дуусаагүй байна. Түүний хэргийг өнөөдөр Парисын шүүх хэлэлцэх гэж байна. Арваннэгдүгээр сарын сүүлчээр нэрт жүжигчин маань мотоциклтой халамцуу явж байгаад Парист осол гаргасан юм. Хэн нэгэн хохирч, гэмтээгүй ч түүнийг хэвийн бус явж зөрчил гаргасных нь төлөө 4,5 мянган еврогоор торгох юм уу, хоёр жилээр хорих ялаар шийтгэж магадгүй байгаа юм. Өчигдөр Жерар Депардье Швейцарт очиж хөлбөмбөгчдийн “Алтан бөмбөг” шагнал гардуулах ёслолд оролцоод одоо Францад ирээд байгаа юм байна.