Зэвсгийн наймааг хязгаарлах талаар хатуу арга хэмжээ авахаар Цагаан ордон бэлтгэж байна. Юуны түрүүнд Засгийн газрын комисс зэвэг худалдан авах гэж байгаа хүмүүсийн намтрыг хатуу хянаж байхаар шийдвэрлэх бололтой. Үүнээс гадна зэвсэг эзэмшигч, дамжуулан худалдаалж байгаа тухай үндэсний мэдээллийн сантай болох юм байна. Мөн зэвсэг худалдан авч байгаа хүмүүсийн сэтгэцийн байдалд хатуу шаардлага тавьж, насанд хүрээгүй хүмүүст шилжүүлэх, сургалтын байгууллагуудын дэргэд буутай явахыг эрс хориглох гэнэ. Дэд ерөнхийлөгч Жон Байданы тэргүүлсэн энэ комисст нийгмийн зүтгэлтэн, нэртэй шинжээчид, зэвсгийн чөлөөт худалдааг эсэргүүцдэг Нью-Йорк хотын дарга Майкл Блумберг байгаа юм.
Коннектикут мужийн Ньютаун хотноо зэвсэглэсэн этгээд гал нээж 26 хүний амь бүрэлгэсний 20 нь бага насны хүүхэд байсан нь америк даяар зэвсэг чөлөөтэй худалдаалахыг хориглохыг шаардсан олон нийтийн тэмцэл эхлүүлж, АНУ-ын Ерөнхийлөгч Барак Обама энэ талаар санал боловсруулах ийм комисс байгуулсан юм.