Дэлхийн шилдэг тамирчдын чанар чансаа, тэсвэр хатуужлыг шалгадаг алдарт Дакар ралли уралдаанд Монголын тамирчин, ОУХМ Д.Болдбаатар, Н.Лхамаа нар уралдахаар болсон. Тэгвэл Дакарийн тэмцээн маргааш буюу энэ сарын 5-нд эхлэх бөгөөд SS буюу урьдчилсан шалгаруулалт нь эхэлж байгаа аж. Эндээс шалгарч байж үндсэн уралдаандаа орно. Перу, Аргентин, Чилийн нутгаар дамжин уралдах авто, мото спортын олимп гэх энэхүү тэмцээнд ОУХМ Д.Болдбаатарын хувьд Австрийн КТМ маркийн, 27 мянган еврогийн үнэтэй мотоцикль сойсон. Харин Н.Лхамаагийн хувьд мега системээр Францын багтай харьцаж мотоциклоо түрээсэлж оролцох юм.