АНУ-ын Төрийн нарийн бичгийн дарга, экс тэргүүн хатагтай Хиллари Клинтоны залуу нас, хайр дурлал, амьдралын хамгийн чухал сонголтын тухай өгүүлсэн киног бүтээх гэж байна. Зохиолыг нь аль хэдийнэ бэлэн болгочихоод байгаа киноны ажил одоо хөрөнгө мөнгө босгох шатандаа яваа гэнэ.
АНУ-ын түүхэнд хамгийн өндөр албан тушаалд хүрсэн эмэгтэйчүүдийн нэг болох Хиллари Клинтон залуудаа ямар чадварлаг хуульч байсан, түүнийг карьерынх нь хувьд гялалзсан сайхан ирээдүй хүлээж байсан ч нөхрөө дагаж, олон жилийн турш Билл Клинтоны сүүдэр дор амьдарч ирсэн тухай энэ кинонд өгүүлэх ажээ.
Алдарт Иелийн их сургуулийг төгсөөд Вашингтонд ирээдүйтэй хуульч гэгдэн Ерөнхийлөгч Никсоныг огцруулах хуулийг багт орж ажиллаж байсан тэрээр Арканзаст захирагчаар очсон нөхрөө дагаж, карьераа үндсэндээ орхисон гэдэг. Тэрээр энэ тухайгаа “Би тэр үед толгойгоо биш зүрх сэтгэлээ л дагасан” хэмээн ярьсан байдаг.
