АНУ-ын Төрийн нарийн бичгийн дарга Хиллари Клинтон баярын өдрүүдийг эмнэлэгт өнгөрүүллээ. Хатагтай Клинтон гэртээ байхдаа хэл ам нь ээдэрч, ярихад хүндрэлтэй болсон тул эмнэлэгт хандахад түүний баруун чих хавьцаа тархи, гавлын ясны хооронд цус бүлэгнэн, бөөгнөрсөн болохыг олж мэдсэн байна. Түүнийг өнгөрсөн ням гаригт эмнэлэгт хэвтүүлж, цусны бүлэгнэлийн эсрэг эмчилгээ хийж эхэлжээ. Хатагтай Клинтонд үүнээс үүдэн цус харвах юм уу тархи мэдрэлд нь нөлөөлөхүйц хүндрэл гараагүй, бүрэн эдгэрнэ гэж хариуцсан эмч нар нь мэдэгдэж байна.
Хиллари Клинтон ингэж өвдсөн нь анхны тохиолдол биш. Тэрээр нөхрийгөө Ерөнхийлөгч байх үед буюу 1998 онд мөн хөлөндөө цус бүлэгнэсэн гэдэг оноштойгоор яаралтай эмчилгээ хийлгэж байсан юм.