АНУ-ын Конгрессын гишүүд гадаадын тагнуул байж болох хүний утсыг чагнах, электрон шууданд хяналт тавих  зөвшөөрлийг тусгай албадад олгох хууль баталсан байна. Сенатын гишүүдийн олонхийн баталсан энэ хуулийг өмнө нь төлөөлөгчдийн танхим батлаад байсан юм. АНУ-ын Ерөнхийлөгч Барак Обама үүнийг үзэглэчихвэл тусгай албад сэжигтэй гэсэн хүнийхээ утас, электрон шууданг 2017 он хүртэл хянаж байж болох юм. Утасны яриа чагнаж байх зөвшөөрлийг дээд шүүхээс авч байх тухай хууль бүр 1970-аад онд баталсан байна. 2001 оны есдүгээр сарын 11-ний өдрийн эмгэнэлт явдлын дараа Ерөнхийлөгч Жорж Буш мөрдөн байцаагчид ямар нэгэн үндэслэл бий бол заавал зөвшөөрөл авалгүйгээр чагнаж болохоор батламжилжээ. Хуулийн үйлчлэх хугацаа маргаашаар дуусгавар болж байгаа болохоор одоо дахиад таван жилээр сунгах гэж байгаа нь энэ юм.