АНУ-ын хэд хэдэн муж улс гарцаагүй тохиолдолд хүүхдүүдийг хамгаалах үүднээс багш нарыг ажилдаа галт зэвсэгтэй ирж байхыг зөвшөөрөх асуудлыг авч үзэх гэж байна. Юта, Огайо муж улсад бүр дунд сургуулийн 150 багш, ажилтныг сурагчдын өвлийн амралтын үеэр нь галт зэвсэг эзэмших үнэ төлбөргүй сургалтад хамруулж эхэлжээ.
Юта мужийн буудлагын спортын зөвлөлийн тэргүүн Кларк Апошиан “Багш ажилчид хүүхдээ хамгаалах, тэдэнд туслах ямар ч боломжгүй байснаас л Коннектикут мужийн Ньютаунд 20 хүүхэд зургаан том хүний аминд хүрсэн аймшигт явдал гарсан” гэжээ. Ер нь, АНУ-д Юта, Канзас муж улсад л сургуулийн нутаг дэвсгэрт зэвсэг нууцаар авч явахыг зөвшөөрдөг юм байна.
12 дугаар сарын 14-нд энэ аймшигт хэрэг гарснаас хойш АНУ-д зэвсэг худалдаалахыг хориглох тухай санал санаачилга гарч АНУ-ын Ерөнхийлөгч Барак Обама энэ асуудлыг судлах ажлын хэсгийн дэд Ерөнхийлөгч Байданаар ахлуулан байгуулаад байгаа юм.
