Даваа гарагт байшингаа шатаагаад түймэр унтраахаар очсон гал сөнөөгчид рүү буудаж хоёр хүний аминд хүрч, гурван хүнийг шархдуулсан  62 настай Уильям Спенглерийн байшингаас нас барсан хүний цогцос олжээ. Үүнээс үүдээд түүнийг өөрийнхөө хамт амьдардаг 67 настай эгчийгээ хөнөөгөөд байшингаа шатаасан байх гэж сэжиглэж байна. Спенглер нь 1980 онд 92 настай эмээгээ хөнөөсний улмаас 17 жилийн хорих ялаар шийтгүүлж байжээ. Хөршүүдийн нь мэдээлснээр бол энэ намар 10 дугаар сард  тэдний ээж нас барсны дараа өөр хоорондоо ихэд маргалддаг болж байнга л чанга чанга дуугаран хэрэлддэг байсан байна. Байшингаа шатааж, гал сөнөөгчдийг буудсаныхаа дараа эрээр амиа хорлосон юм. Үхэхийнхээ өмнө бичсэн захидалдаа тэр “Намайг үзэн яддаг хөршүүдийнхээ байшингаас аль болох олныг шатаах, өөрийнхөө дуртай хүн алах ажлыг хиймээр байна” гэсэн байжээ. Үнэхээр ч түүний өөрийн нь байшин төдийгүй хөршүүдийнх нь долоон байшин шатсан юм.