Сирид суугаа ОХУ-ын ЭСЯ-ны хэвлэлийн нарийн бичгйин дарга Сергей Марков “Яг өнөөдөр сирийн армийн зүгээс ч, сөрөг хүчний талаас ч химийн зэвсэг хэрэглэсэн тухай ямар нэгэн баримт нотолгоо манай ЭСЯ-нд байхгүй байна” гэж мэдэгдсэн байна. Харин Лондонд төвтэй Сири дэх хүний эрхийг хангах ажиглах зөвлөлийн тэргүүн Абдель Рахман “Энэ бол химийн зэвсэг биш. Гэхдээ олон улсад хориглосон зэвсэг гэдгийг бид мэдэж байгаа” гэсэн байна. Үүнтэй зэрэгцээд Башар Асадын Засгийн газар химийн зэвсэг хэрэглээгүй гэдэгт итгэлтэй байгаагаа ОХУ-ын Гадаад хэргийн сайд Сергей Лавров илэрхийлээд хэрэв ингэвэл “улс төрийн хувьд амиа хорлосон” хэрэг болно гэсэн байна. Лавров ярианыхаа явцад Москвад байгаа мэдээллээр бол Сирид химийн зэвсэг байгаа, гэхдээ Асадын Засгийн газар түүнийг сүр хүчээ харуулах зорилгоор биш харин аюулгүй байдлаа хамгаалах, зэвсгээ хадгалж байгаа газруудаа хамгаалж тэнцвэржүүлэх зориулалттай юм гэсэн байна.
Үүний өмнөхөн Хомс хотыг эзлээд байгаа зэвсэгт бүлэглэлүүдийн эсрэг амьсгалын зам боогдуулах үл мэдэгдэх хий ашигласан талаар телевизийн “Аль Жазира” болон “Аль Арабия” сувгууд мэдээлсэн юм.
