Хүн бүхний, хүүхэд бүрийн хайртай өвлийн өвгөн Санта-Клаус ирж байгаа Христийн мэндэлсний баярыг тохиолдуулан хүүхэд багачуудад бэлэг өгөхөөр өнгөрсөн шөнө ОХУ-ын нийслэл Москва, Санкт-Петербург хотын дээгүүр ниссэн байна.
Санта-Клаус Умард туйл дахь өөрийн байрнаасаа есөн буга хөллөсөн чаргаар бэлгээ ачин гарчээ. Санта өвөөг Америк, Канадын цэргийнхэн, бас хүссэн хүмүүс дагалдаж явсан гэнэ. Өвөөгийн явах замыг саадгүй байлгахын талд хяналтын радар, хиймэл дагуул, мэргэжлийн “санта-камер”-аар хянаж мөн  сөнөөгч онгоцууд дагалджээ.
АНУ-ын Колорадо мужийн нэг томоохон их дэлгүүр өөрийн реклам сурталчилгаандаа ийн “Санта өвөөгийн араас NORAD” гэдэг хөтөлбөрийг 1955 оноос хэрэгжүүлж багачуудыг Санта-Клаус өвөө рүү утасдуулдаг уламжлал тогтоосон юм байна.