АНУ-ын Нью-Йорк мужийн Вебстер хотод гал унтраахаар ирсэн гал сөнөөгчид рүү нэгэн этгээд буудсан байна. Гал сөнөөгчдөөс хоёр нь нас барж, хоёр нь шархаджээ. Мөн гэмт хэрэгтэнтэй буудалцсан цагдаагийн нэг ажилтан шархадсан байна. Гэмт хэрэгтэн өөрийгөө буудан хороожээ. Тэрээр 1980 онд 92 настай эмээгээ зодож алсныхаа төлөө 17 жил шоронд суугаад гарч ирсэн 62 настай Уильям Санглер гэгч байжээ.
Хэргийн газар дээр цагдаагийн тусгай албаныхан ирж хүмүүсийг нүүлгэн шилжүүлж аюулгүй болгосон байна. Цагдаагийнхны таамаглаж байгаагаар гэмт хэрэгтэн гал сөнөөгчдийг дуудаж урхинд оруулахын тулд өөрийнхөө байшинд санаатайгаар гал тавьсан байж магадгүй байна.