Эдийн засагч, статистикч мэргэжилтэй Эдийн засгийн хөгжлийн сайд Н.Батбаярыг хэлэмгий, доломгой гэх нь бий. Угаасаа ч хатуу ширүүн үгтэй  хэмээн хэлэгддэг тэрээр хоёр хүүхдээ эх оронч үзлээр өсгөж байгаадаа нууцхан баяртай байдаг гэсэн. Ямар сайндаа МҮХАҮТ дээр болсон бизнес эрхлэгчидтэй хийсэн уулзалтын үеэр гадаадад төгсөгчдийн талаархи асуудалд хөндөгдөхөд дор нь хариултыг нь өгөв.  Тэрээр “Би хоёр хүүхдээ АНУ-д сургаж байгаа. Гэхдээ миний хүүхдүүд эх оронч үзлээр хүмүүжсэн учраас сургуулиа төгсөөд сурч, мэдсэн зүйлээ эх орныхоо бүтээн байгуулалтад зориулна гэдэгт эцэг хүний хувьд итгэлтэй явдаг” хэмээн хэлж байлаа.