Холливудын од Шарон Стоун хөвгүүдтэйгээ, бас өөрөөсөө 30 шахам насаар дүү найз залуутайгаа Лос Анжелосын нисэх буудлаас хөдлөхийн өмнө эдгээр зургийг авчээ. Зул сараа тэмдэглэхээр хаашаа ч юм явж байгаа жүжигчин 12, 7, 6 настай гурван хүү, бас 27 настай найз залуугаа гээд  хөвгүүдийн армиа бүгдийг нь дагуулжээ.Шарон Стоун том хүүгээ өмнөх нөхөртэйгөө хамт амьдарч байхаа үрчилж авсан бол, хоёр бага хүүгээ ганцаараа өргөж авч, өсгөж байгаа юм. Харин өнгөрсөн тавдугаар сараас тэднийд бүл нэмэгдсэн нь түүний залуухан амраг Аргентиний загвар өмсөгч Мартин Мика юм. Тэд Бразильд болсон “Vogue” сэтгүүлийн хүлээн авалтын үеэр танилцаж дотносчээ.