Оросын нутгаар сүүлийн хэдэн хоног хэт хүйтэрсний улмаас 1200 гаруй хүн нэрвэгдсэний 88 нь хөлдөж үхсэн байна. 500 гаруй хүнийг эмнэлэгт хэвтүүлжээ. “Хүйтний улмаас 1210 хүн хөлдөж бэртэл гэмтэл авсны 538-ыг нь эмнэлэгт хэвтүүлсэн, 88 хүн хөлдөж амиа алдлаа” гэж нийслэлийн эрүүл мэндийн газар мэдээлжээ. Зөвхөн өнгөрсөн долоо хоногт гэхэд л долоон хүн хөлдөж үхсэний нэг нь хүүхэд байжээ. 164 хүн хөлдөж бэртэл гэмтэл авсны 69-ийг нь хэвтүүлэн эмчилжээ. Орост их хүйтэн эхэлж нийслэл Москвад 18 градус хүрч байгаа бол Сибирьт бүр 50 градус хүрч байгаа юм. Үүнээс бол олон газарт халаалтын доголдол гарч, сургуулиудыг хаахад хүргээд байна. Энэ сарын 27-28-наас эргээд дулаарна гэж цаг уурынхан мэдээлж байна.