Майяйчуудын эх орон Гватемалд очиж “Ертөнцийн төгсгөл”-ийг тэмдэглэсэн хүмүүс гватемалийн Тикаль хот дахь эртний майяачуудын сүмд ихээхэн хохирол учруулсан байна. Тэд сүмийн дотор талд эд зүйлсийг эвдэлж ихээхэн хохирол  учруулсан гэж Тикаль хотын археологийн дурсгалт зүйлсийн техникийн зөвлөх Освальдо Гомес хэлжээ. Жуулчид яг сүмийн юуг нь эвдэлж сүйтгэсэн тухай тодорхой хэлээгүй байна. Өнгөрсөн баасан гариг буюу арванхоёрдугаар сарын 21-нд энэ хотод 7000 гаруй жуулчин очиж шинэ эриний эхлэл 22-ны өглөөний нар мандахыг харцгаасан байна. Тикаль хотын төв талбайд байдаг 38 метр өндөртэй пирамид бол майяйчуудын соёл иргэншлийн хамгийн гол түүхэн дурсгалд ордог юм.