Коннектикут мужийн Ньютаун хотын бага сургуульд гал нээж олон хүний амь егүүтгэсэн аймшигт хэрэг гарсны дараа АНУ-д зэвсэг, галт хэрэгсэл үйлдвэрлэдэг компаниудын хувьцааны үнэ 7-10 хувь унасан байна. АНУ-ын зэвсгийн томоохон компани Smith & Wesson-ий хувьцаа 10 хувь унаж ширхэг нь 7,79 доллар болжээ. Sturm Ruger-ийн үнэт цаас ч 7,7 хувь унаж нэг бүр нь 40,60 доллар болсон байна. Энэ оны эхнээс  уг нь энэ хоёр компанийн үйлдвэрлэл 78 хувь өсөөд байсан юм.
Хөрөнгө оруулалтын томоохон Gerberus зэвсгийн Freedom Groupкомпаниа худалдахаа зарласан байна. Алуурчин Лэнза яг энэ үйлдвэрийн винтов буугаар зэвсэглэж 5-9 насны 20 хүүхэд, насанд хүрсэн зургаан хүний амийг егүүтгэсэн юм. Энэ хэргийн дараа еррөнхийлөгч Барак Обама галт зэвсгийн худалдааг хориглох тухай хуулийн төслийг дэмжээд байгаа юм.