Аргентинд Эдит Касас хэмээх 23 настай эмэгтэй ихрийн өрөөсөн эгчийгээ хөнөөсөн алуурчинтай хуримаа хийхээр зөвшөөрчээ. Түүний ихэр хоёр жилийн өмнө бусдын гарт амиа алдсан бөгөөд энэ хэрэгт сэжиглэгдэн яллагдаад, одоо 13 жилийн ялтай шоронд хоригдож байгаа Виктор Цинголани гэгч этгээдтэй тэрээр гэрлэх гэж байгаа гэнэ.  Тэд өнөөдөр Санта Круз дэх шоронд хуримаа хийхээр төлөвлөсөн байна.
Виктор Цинголани гэгч нь амь үрэгдсэн бүсгүйтэй мөн л хайр сэтгэлийн холбоотой байсан бөгөөд одоо харин амьд үлдсэн ихэрт нь хайртай гэж сийхгүй ярьж байгаа аж. Тэд бүр талийгаач ихрийн тухай байнга ярилцдаг хэмээн орон нутгийнхаа сонинд ярьжээ.
Бүсгүйн эцэг эх энэ явдлыг булай шившиг гээд, охиноо дахин харахгүй хэмээн холбоо харилцаагаа тасалсан байна. Ээж нь охиноо сэтгэл мэдрэлийн өвчтэй болсон байна гэдэгт эргэлзэхгүй итгэж байна гэсэн бол эцэг нь дахин гэрийнхээ босгыг алхуулахгүй гэжээ.
Амь үрэгдсэн ихрийг Жоана Касас гэдэг, загвар өмсөгч байжээ. Түүнийг 2010 оны долдугаар сард хоёр сумны шархтай, нас барсан байхыг олсон байна. Энэ хэрэгт өөр нэг эрэгтэй сэжиглэгдэж байгаа бөгөөд  тухайн үед хохирогчийн найз залуу байсан Марко Диаз гэгч тэр этгээд одоо шүүх хурлаас ял сонсохоор хүлээж байгаа аж.