Ертөнцийн төгсгөл болно хэмээн цуурхал тараасан хэргээр Хятадад 93 хүнийг баривчиллаа гэж “Интерфакс” агентлаг мэдээллээ. Олонхи нь тус улсад хориотой “Бүхнийг чадагч бурхан” нийгэмлэгийн гишүүд энэ хүмүүсийг арванхоёрдугаар сарын 21-нд ертөнцийн төгсгөл болно, гурав хоног нар харанхуйлж, цахилгаан гэрэл ч асахгүй гэсэн хуудас тараасан хэрэгт буруутгажээ.
Ер нь өнөөдөр ертөнцийн төгсгөлийн тухай сэдэв интернетийн хамгийн анхаарал татсан асуудал болж олон улс оронд энэ талаар элдэв цуурхал яриа тархаж байгаа юм. Оросын “Российская газета” сонин уншигчдынхаа дунд “Ертөнцийн төгсгөл болно гэдэгт итгэж байна уу” гэсэн асуулга явуулахад 10 хувь нь итгэж байна гэсэн бол, 55 хувь нь итгэхгүй байна, 33 хувь нь энэ тухай бодоогүй, хоёр хувь нь эргэлзэж байна гэсэн хариу өгчээ.
