Сирид орчуулагчаар ажиллаж байсан сэтгүүлч Анхар Кочневыг барьцаалаад байгаа тэндэхийн зэвсэгт бүлэглэл 50 сая доллар өгвөл суллана гэж нэхсэнийг Британийн “Гардиан” сонин өчигдөр мэдээллээ. Арваннэгдүгээр сарын 28-нд сэтгүүлч бүсгүй Сирид байгаагаа арабаар хэлж бичүүлсэн видео дүрсээ интернэтэд байрлуулсан юм. 15 секундын энэ бичлэг дээр тэрээр араб хэлээр “Намайг Анхар гэдэг. Би Хомс хотоос холгүй барьцаалагдаад байна. Украйн, Оросын ЭСЯ, Сирийн Засгийн газраас намайг барьцаалсан хүмүүст шаардлага өгөөч гэж гуйж байна” хэлжээ. Оросын телевизийн нэг группт орчуулагчаар явсан энэ эмэгтэй есдүгээр сарын 22-нд Сирийн хилийг давсан ч аравдугаар сарын 12-13-ны өдрүүдэд холбоо тасарсан юм. Утасны бичлэгийг нь тандахад түүнийг аравдугаар сарын 9-ний өдөр хулгайлсан бололтой гэж Украйны ГХЯ-ны хэвлэлийн нарийн бичгийн дарга Александр Дикусаров хэлж байна.
