Испанийн Барселон хотын Эль Прат нисэх буудалд хилчид ер бусын зорчигчийг саатуулсан байна.  Хэн ч харсан зүгээр л нэг том хөхтэй мэт харагдсан тэр хүүхний хувцсан дээр нь цусны толбо байхыг хилчид ажиглажээ. Хүүхэн ч саяхан гоо сайхны мэс засал хийлгэсэн гэдгээ хүлээж. Харин хил, гаалийнхан нарийвчлан шалгатал Боготагаас ирсэн 20 настай  панам хүүхэн хиймэл хөхөндөө хар тамхи нуусан нь илэрсэн байна. Эмэгтэйг эмнэлэгт аваачиж мэс засал хийлгэхэд хоёр хөхнөөс нь нийтдээ 1,4 кг хар тамхи гарчээ. Тэрээр хар тамхийг тэнцүүхэн хувааж гялгар уутанд хийгээд мэс заслын аргаар хөхөндөө нуусан байж.
Түүний нууцаар хил давуулах гэсэн хар тамхины нийт үнэ бараг 260 мянган доллараар үнэлэгдэх юм байна.