Сирийн Ерөнхийлөгч Башар Асадын дэглэмийг дэмжихээс татгалзахыг ОХУ-ын эрх баригчдад тус улсын хувьсгалт болон сөрөг хүчний Үндэсний эвслийн тэргүүн Ахмед Моаз аль-Хатыб хүслээ.
“Өнөөгийн эрх баригч дэглэмийг улс төрийн талаар дэмжихээсээ татгалзахыг Оросоос шаардаж байна” гэж аль-Хатыб Мароккагийн Марракеш хотод болсон “Сирийн нөхөд” группийн сайд нарын дөрөвдүгээр уулзалт дээр хэлсэн байна. Тэр бас “Хэрэв Сирийн Засгийн газар сөрөг хүчний эсрэг химийн зэвсэг хэрэглэвэл хариуцлагыг Орос хүлээх болно” гэсэн байна.
Сөрөг хүчний удирдагч “Сирийн ард түмэн өөрийн улс орондоо ардчилал, аюулгүй байдал тогтоохын төлөө тэмцэж байна, ингэж өөрсдийнхөө төлөө асар их үнэ төлөн тэмцэж байгаа манай ард түмний өмнө олон улсын хамтын нийгэмлэг хүлээсэн үүргээ биелүүлэхийн төлөө шийдвэртэй алхам хийх ёстой” гэжээ.
