Ерөнхийлөгч Башар аль-Асадын дэглэмийн эсрэг тэмцэж байгаа Сирийн босогчид хуучин машины дизель мотор, дугуй, бусад сэлбэг ашиглан хүүхдийн Sony Playstation тоглоомын удирдлагаар залж, пулемётоор буудах танк үйлдвэрлэжээ. Танкны их биеийг 2,5 см зузаантай ган хавтангаар хийсэн нь 23 мм-ийн калибрын сумаар буудахад нэвтрэхгүй хуяг болсон байна.  
Танкны кабинд хоёр хүн сууж урдах гурав, хоёмор талын нэг, пулемёт дээрх гээд таван камераар орчноо хянаж танкаа удирдана. Нэг нь үндсэн дэлгэцээ харан танкаа жолоодох бол багийн хоёр дахь гишүүн нь өөр нэг дэлгэцээр хянаж дайснаа буудна. Энэ бүхнийг мөн л Sony Playstation тоглоомын удирдлагын тусламжтай гүйцэтгэх юм. Босогчид пулемётоос бусдыг нь 10 мянга орчим доллараар олж цуллуулсан гэсэн байна.