Хойд Солонгос төлөвлөж байсан ёсоороо урт тусгалын пуужин харвасан болохыг Өмнөд Солонгосын тал мэдээлж байна. Хойд Солонгосын баруун эргээс харвасан пуужин Солонгосын хойг, Хятадыг өнгөрөөд Филиппин хавьцаа далайд унасан байна.
Олон улсын эсэргүүцэл хоригтой тулгарсан ч харваж орхисон Хойд Солонгосын энэхүү пуужин бол зэвсгийн зорилгоор ашиглах урт тусгалын пуужингаа туршиж буй хэрэг гэж олон улс сэрдэж байгаа ч Пеньян үүнийгээ зөвхөн хиймэл дагуулын зорилгоор ашиглах туршилт хэмээн мэдэгдэж буй. Гэвч тус улсын харвасан пуужин орбитод орохоосоо өмнө далайд уначихдаг гэмтэй. Өнгөрсөн дөрөвдүгээр сард хийсэн пуужингийн туршилт мөн амжилтгүй болж далайд унасан юм.
Хойд Солонгосын зүгээс гарч болзошгүй аюулд бэлэн байхаар Японы арми бэлэн байдалд ажилласан ч пуужинг эсэргүүцэн унагаах оролдлого хийгээгүй бөгөөд пуужин Окинава арал дээгүүр өнгөрөхийг харсан хэмээн албаны эх сурвалж мэдэгджээ.