Өнгөрсөн шөнө Одесс хотын “Беллини” гэдэг шөнийн клубт болсон аймшигт аллагыг зогсоох талаар хамгаалагчид юу ч хийлгүй амиа хоохойлсон  гэж нүдээр үзсэн хүмүүс  гэрчилжээ. “Эрэгтэй хүн орж ирээд нэг эмэгтэйг зодсон. Цагдаагийнхан түүнийг хориглож шөнийн клубээс гаргасан ч хутга бариад явж байхад нь  саатуулаагүй орхисон байсан. Тэгээд л тэр удалгүй автомат буу барьж орж ирээд гал нээхэд хамгаалагчид шалан дээр хэвтчихээд ямар ч арга хэмжээ аваагүй” гэж тэнд байсан нэг гэрч  сонины сурвалжлагчид ярьжээ. Хэргийг эхлүүлсэн эмэгтэй нэрвэгдээгүй байна. Харин 24, 29 настай хоёр хүн суманд өртөж амь үрэгдсэний нэг нь эмэгтэй хүн байжээ. Бас гурван хүн шархадсан байна.