Чехэд их хэмжээний цас орж хүйтэрснээс өнгөрсөн амралтын өдрүүдэд долоон хүн хөлдөж үхсэн байна. Үүнээс гадна Оломоуц хотын эмнэлэгт хөлдсөн хоёр ч хүн очжээ. Өвөлдөө тэг градусаас илл хүйтэрдэггүй энэ улсын хойд нутгаар 27 градус хүртэл хүйтэрч байгаа нь орон гэргүйчүүд хөлдөх шалтгаан болж байна. Прагад гэхэд л орон гэргүй дөрвөн мянга орчим хүн байдаг байна. Прага дахь орон гэргүйчүүдэд зориулсан түр хоноглох байрууд дүүрэн хүнтэй байна. Хамгийн том хоноглох байр гэхэд л 160 хүн авах хүчин чадалтай болохоор байдал хүнд байгаа талаар эрх баригчид мэдээлж байна.