Өнгөрсөн шөнө Египетийн Ерөнхийлөгч Мохаммед Мурсиг эсэргүүцэн жагсагчид хууль сахиулагчидтай мөргөлдсөний улмаас Египетийн зэвсэгт хүчин танк, хуягт тээвэрлэгч байрлуулж Ерөнхийлөгчийн ордныг бүсэлсэн байна. Хэвлэлийн мэдээгээр тэнд бүгд найрамдах улсын гвардийнхны дөрвөөс доошгүй танк, гурван хуягт тээвэрлэгч байгаа гэнэ. Ордонд Ерөнхийлөгчийн талын зуу гаруй хүн байгаа юм байна. Сөргөлдөгч талууд өнгөрсөн шөнө бие биеэ чулуу, шатаагч шингэнтэй лонхоор шидсэний улмаас таван хүн амь үрэгдэж 450 орчим хүн шархадсан байна. Тусгай мэргэжлийн хэдэн зуун цагдаа ирж мөргөлдөөнийг зохицуулах гэж оролджээ.
Ерөнхийлөгч Мохаммед Мурси Үндсэн хуульд өрөчлөлт оруулах төсөл боловсруулсны төлөө сүүлийн хэдэн долоо хоногийн туршид Египетийн олон хотод жагсаал цуглаан тасрахгүй болж эмх замбараагүй байдал үргэлжилж байгаа юм. Мохаммед Мурси энэ оны зургадугаар сард Египетийн Ерөнхийлөгчөөр сонгогдсон юм.