Египетийн ерөнхийлөгч Мухаммед Мурсийг эсэргүүцсэн жагсаал эмх замбараагүй байдал болж ерөнхийлөгчийн ордны дэргэд 210 хүн шархадсан байна. Египетийн түргэн тусламжийн албаны даргын хэлснээр одоохондоо хүн нас бараагүй байна. Телевизийн шууд дамжуулж байгаагаас үзэхэд ерөнхийлөгчийн ордны ойр байсна машинууд шатаж байгаа юм байна. Энэ бүхнийг ерөнхийлөгчийг эсэргүүцсэн сөрөг хүчнийхэн, танхай залуучууд үйлдэж байгаа бололтой. Лхагва гарагт ерөнхийлөгчийг дэмжиж байгаа исламчууд ордны өмнө майхан лагерь байгуулан сууцгаасан. Харин түүнийг эсэргүүцэгчид тэдний эсрэг жагсчээ. Сөрөг хүчнийхэн баасан гарагт мөн энд “Улаан хуудас” нэртэй арга хэмжээ зохион байгуулж ерөнхийлөгчийг огцрохыг шаардана гэж мэдэгдэж байна. Үүнтэй зэрэгцээд “Ах дүү мусульманчууд” хөдөлгөөний албан байр луу халдсан мэдээлэл бас байна.