Японы Засгийн газар Умард Солонгосын энэ сарын 10-22-ны хооронд хөөргөх гэж мэдэгдээд байгаа пуужин унавал хэрхэх талаар сургуулилтыг өмнөд нутгийн Исигаки аралд хийлээ. Хот суурин газрын гудамжин дахь чанга яригчаар  10 секунд тутамд анхааруулах дохио өгч байна. Уг нь пуужингийн хэсэг угсраанууд Японы арлууд дээр унах ёсгүй ч ямар нэгэн осол  гэмтлийн улмаас дээгүүр хөөрөх үедээ унаж магадгүй гэж үзэж байгаа юм. Умард Солонгос баруун нутагтаа байрладаг Сохэ сансрын буудалд баллистик пуужингийнхаа гурван угсрааг угсарч бэлэн болгоод байгаа юм.