СЕХ-ноос УИХ-ын Тамгын газар болон МАХН-ын дэд дарга Д.Тэрбишдагвад албан бичиг ирүүлжээ. Уг албан бичигт МАХН-МҮАН-ын Шударга ёс эвслээс УИХ-д сонгогдох нэг гишүүнээр Э.Батшугарын нэрийг өргөн мэдүүлэх боломжгүйг мэдэгдсэн байна. Э.Батшугар хугацаат цэргийн алба хаагаагүй мөн нэр дэвших үедээ хасагдаж, сонгуульд оролцоогүй учраас УИХ-ын гишүүнээр сонгогдсонд тооцож нэрийг нь өргөн мэдүүлэх боломжгүй гэжээ. Тэгэхээр тус эвслээс УИХ-д орж ирэх шинэ гишүүн нь Ц.Оюунбаатар гэдэг нь тодорхой байгаа юм. Дээрх утга бүхий албан бичгийг СЕХ МАХН-д өмнө нь хүргүүлж байсан гэж албаны эх сурвалж мэдээлэв.