Дуучин Мадонна аялан тоглолтоор Колумбид шоугоо хийжээ. Харамсалтай нь тоглолтынхоо үеэр тэрээр бүжиглэж байгаад тайзан дээр унажээ. Унахдаа нүүрээ урсны улмаас нүүрийг нь даган цус урсч байсан ч тэрээр тайзан дээрээс буусангүй дуугаа үргэлжлүүлэн дуулж дуусгасан байна.  Дуучны хэвлэлийн алба энэ талаар ямар нэгэн тайлбар хийгээгүй ч гадаадын зарим хэвлэл дуучны унасан нь шоуны нэг хэсэг байсан, тэр цус нь ч зүгээр л будаг гэж батлахыг оролдож байна.
Харин шүтэн бишрэгчид нь энэ “үзүүлбэрийг” үзэж, бүр гэрэл зургийг нь аван, бичлэгийг нь интернэтэд байрлуулсан байна. Яг ийм үйл явдал Мадоннаг сарын өмнө Далласт тоглож байх үеэр нь тохиож байсан юм.